არსებობს წარმოდგენა, რომ ვებგვერდის აწყობა მხოლოდ ტექნიკური განათლების მქონე ადამიანს შეუძლია ისწავლოს. არადა, რაც დრო გადის საპირისპირო სურათის ვხედავთ. სულ უფრო მეტი, სხვადასხვა პროფესიის ადამიანი სწავლობს პროგრამირებას, სხვადასხვა სირთულის აპლიკაციებს ქმნის და თავად აწყობს ვებგვერდებს.

ტექნოლოგიების განვითარებამ შესაძლებელი გახადა, რომ სხვადასხვა პროფესიის ადამიანებმა თავად შეძლონ საკუთარი იდეების რეალიზება.

თუკი ადრე ინოვაციური იდეის რეალიზებისათვის საჭირო იყო ფინანსები, დღეს ადამიანს შეუძლია თავად დაეუფლოს იდეის რეალიზებისათვის საჭირო ტექნიკურ ცოდნას, მაგალითად, შეისწავლოს ვებგვერდის აწყობა და შექმნას საკუთარი კომპანიის ვებგვერდი, ააწყოს ონლაინ მაღაზია ან რაიმე სხვა ვირტუალური ონლაინ სერვისი.

ამ კურსის ფარგლებში მსმენელები დაეუფლებიან იმ ცოდნას, რომელიც მათ საშუალებას მიცემს გაერკვნენ ვებგვერდის ფუნქციონირების პრინციპებში, თავად ააწყონ Front-End აპლიკაცია ან საჭიროების შემთხვევაში ცვლილებები შეიტანონ არსებული ვებგვერდის პროგრამულ კოდში, დაგეგმონ და მენეჯმენტი გაუწიონ ვებგვერდის შექმნასთან დაკავშირებულ სამუშაოებს.

კურსი პრაქტიკული ხასიათისაა და კურსის განმავლობაში მსმენელბს მოუწევთ მარტივი ვებგვერდების შექმნა.

კურსი არ მოითხოვს პროგრამირების საბაზისო ცოდნას და ნებისმიერი დაინტერესებული პირისათვის ხელმისაწვდომია.

ვებ დეველოპმენტის სფეროში 2018 წლიდან წარმატებით მოღვაწეობს. დასაქმებულია სხვადასხვა სასწავლო დაწესებულებებში (Academy Of Digital Industries, Business And Technology University, Geolab, Unilab) Front End Development- ის ლექტორის პოზიციაზე.

ასევე არის სტაჟირების ხელმძღვანელი ილიაუნის ინოვაციური ტექნოლოგიების ლაბორატორიაში;

მონაწილეობა მიუღია ისეთ პროექტებში, როგორიცაა:

საქართველოს ინოვაციების და ტექნოლოგიების სააგენტოს მიერ განხორციელებულ პროექტში  “Front End პროგრამირება რეგიონში”  – Front End -ის კურსის ლექტორი;

ილიაუნის ინოვაციური ტექნოლოგიების კიბერლაბორატორიის პროექტი “უნილაბი სკოლაში” – Front End -ის კურსის ლექტორი;

გაეროს განვითარების პროგრამის და ჯეოლაბის მხარდაჭერით “Front End-ის კურსი გოგოებისთვის კონფლიქტით დაზარალებული რეგიონებიდან” პროექტში – Front End -ის კურსის ლექტორი.